الليل ما بنومو

 الليل ما بنومو
سيد عبد العزيز

الليل الليل ما بنومو لأني
أنا حارس نجومو
طول يا ليل وهود
عاجبني طول الليل
الليل نسيمو عليل
الليل سكونو جميل
الليل به النساك تتأمل الأفلاك 
الليل به العشاق تتذوق الأخلاق
تتناجى بالأرواح
ولشدة ما ترتاح
ما دايرة تاني صباح 
الليل الليل ما بنومو لأني
أنا حارس نجومو
000
أنا راصد كواكبه تائه
في ظلامه سابح
في خيالو سارح
وما عاشق جماله
بس لي فيه ذكرى
وماخد عنه فكرة
يكون فيه التلاقي
وانظر فيه حبي
الحابيهو قلبي ينظر ما يلاقي
الليل الليل ما بنومو لأني
أنا حارس نجومو
000
ويا ليل يا ليل 
بالله عيرني سماع
اشكيك حبي الضاع
وتغير الأوضاع
هويت محاسن إنسان
في غاية الإبداع .. يا ليل
عاهدني حبيته
ووجدت عهده خداع
قت ليهو الوداع
يا حبيبي الوداع
الوداع الوداع
يا سميري الوداع
000
الليل الليل ما بنومو لأني
أنا حارس نجومو